CARICUM

CARICUM

locus solitarius in Memphide, ubi Cares affinitate, cum Memphitis Memphitis contractâ, Caromemphitae dicti sunt. Steph.

Res sic habet: Psammitichus I. Aegypti Rex invidiâ ceterorum Regulorum pulsus, consultô Latonae carcaulô responsam accepit, ultionem ei affuturam e mari, χαλκέωνἀνδρῶν ἐπιφανέντων, viris aeneis apparcentibus. Paulo post, praedatores quidam Iones et Cares, cere armati, in terram exierunt et campestria populati sunt. Qui nuntius cum Regi allatus esset, is agnitô oraculô, cum iis amicitiam iniit. Sed et, cum Oraculum Ammonis Tementhem Regem iussisset φυλάξαςθαι τοὺς ἀλεκτρυόνας, caveret a Gallis, Psammitichus vero, Pigrete Care familiariter utens, ab eo cognovisset, Cristas galeis primos imposuisse Cares, intellectâ oraculi mente, magnam illorum multitudinem conduxit. Quorum ope cum, devictis coeteris Regibus, totô Aegypti regnô potitus esset, in praemium navatae operae, fundos illis dedit ad utrumque Nili latus, prope mare, infra urbem Bubastin, ad ostium Pelusiacum; locus Castra vocabatur: quos dein Rex Amasis Memphis transtulit, illorum satellitiô contra Aegyptios se muniturus. Ita ab his pars Memphidis Caro-Memphitae dicta est. Hi primi ἀλλόγλωςςοι, linguae diversae, in Aegypto habirtârunt: quibus postmodum, traditi sunt pueri Aegyptii, Graecâ linguâ imbuendi, a quibus sic edoctis orti sunt, qui in Aegypto deinceps fuêre Interpretes. His ita in Aegypto habitantibus, et cum Graecis commercium foventibus, Nos (ait Herodotus, l. 2. c. 154.) res Aegrpti, a Psammetichi tempore, ac deinceps, certo cognoscimus: quod ad illius auctoritatem non parum facit: vetustiora enim ex Sacerdotum fide tradidit. Postea, eôdem adhuc Rege, circa initium Cyaxaris I. Medorum Regis Olymp. 36. Milesii cum 30. navibus in Bolbiticum ostium appulerunt, ibique τὸ Μιλησίων τεῖχος, Milesiorum murum, condiderunt. Quô pactô, circa Psammitichi demum tempora, Graecis Historia Aegypti exploratior esse coepit. Vide Ioh. Marshamum, Canone Chron. Sec. XVII. ubi de Psammiticho Rege.